This is default featured post 1 title

Go to Blogger edit html and find these sentences.Now replace these sentences with your own descriptions.

This is default featured post 2 title

Go to Blogger edit html and find these sentences.Now replace these sentences with your own descriptions.

This is default featured post 3 title

Go to Blogger edit html and find these sentences.Now replace these sentences with your own descriptions.

This is default featured post 4 title

Go to Blogger edit html and find these sentences.Now replace these sentences with your own descriptions.

This is default featured post 5 title

Go to Blogger edit html and find these sentences.Now replace these sentences with your own descriptions.

Saturday, November 7, 2015

அரியலூர்,பெரம்பலூர் மாவட்டங்களில் தேசிய திறனாய்வு தேர்வு இன்று நடக்கிறது 4,164 மாணவ–மாணவிகள் எழுதுகின்றனர்

அரியலூர்,

அரியலூர், பெரம்பலூர் மாவட்டத்தில், 12 மையங்களில் இன்று நடைபெற உள்ள தேசிய திறனாய்வு தேர்வினை 4,164 மாணவ, மாணவிகள் எழுத உள்ளனர்.

தேசிய திறனாய்வு தேர்வு

பள்ளியில் படிக்கும் மாணவ, மாணவிகளுக்கு ஊக்கத்தொகை வழங்குவதற்காக பள்ளிக்கல்வித்துறையால் நடத்தப்படும் தேர்வே தேசிய திறனாய்வு தேர்வு (என்.டி.எஸ். தேர்வு) ஆகும். 9–ம் வகுப்பில் தேர்ச்சி பெற்று 60 சதவீதத்திற்கும் மேலாக மதிப்பெண் பெற்று தற்போது பள்ளிகளில் 10–ம் வகுப்பு பயிலும் மாணவ, மாணவிகள் இந்த தேர்வினை எழுத தகுதியுடையவர்கள் ஆவர். இந்த தேர்வில் தேர்ச்சி பெறும் மாணவர்களுக்கு மேல்படிப்பு படிப்பதற்காக ஊக்கத்தொகை வழங்கப்படும்.

1,987 பேர் எழுதுகின்றனர்

அந்த வகையில் அரியலூர் மாவட்டத்தில் அரியலூர் நிர்மலா பெண்கள் மேல்நிலைப்பள்ளி, திருமானூர் அரசு மேல்நிலைப்பள்ளி, ஜெயங்கொண்டம் அரசு ஆண்கள் மேல்நிலைப்பள்ளி மற்றும் பாத்திமா பெண்கள் மேல்நிலைப்பள்ளி, செந்துறை அரசு ஆண்கள் மேல்நிலைப்பள்ளி, தா.பழூர் அரசு மேல்நிலைப்பள்ளி ஆகிய 6 மையங்களில் தேசிய திறனாய்வு தேர்வு இன்று (ஞாயிற்றுக்கிழமை) நடைபெற உள்ளது. இந்த தேர்வினை அரியலூர் மாவட்ட பள்ளிகளில் 10–ம் வகுப்பு பயிலும் 1,987 மாணவ, மாணவிகள் எழுத உள்ளனர். இதில் காலை 9.30 மணி முதல் 11 மணி வரை மனத்திறன்–மொழித் தேர்வும், இதையடுத்து 30 நிமிட இடைவேளைக்கு பிறகு காலை 11.30 மணி முதல் மதியம் 1 மணி வரை படிப்பறிவு தேர்வும் நடைபெறுகிறது. மேற்கண்ட தகவலை அரியலூர் மாவட்ட கல்வி அதிகாரி ஒருவர் தெரிவித்தார். தேசிய திறனாய்வு தேர்வுக்கான ஏற்பாடுகளை அரியலூர் மாவட்ட முதன்மை கல்வி அதிகாரி மாரிமுத்து உள்பட அதிகாரிகள் பலர் செய்து வருகின்றனர்.

பெரம்பலூரிலும்...

இதே போல் பெரம்பலூர் மாவட்டத்தில் இன்று நடைபெறவுள்ள தேசிய திறனாய்வு தேர்வினை 2,177 மாணவ–மாணவிகள் எழுத உள்ளனர். அந்த வகையில் பெரம்பலூர் மாவட்டத்தில் ராமகிருஷ்ணன் மெட்ரிக் மேல்நிலைப்பள்ளி,பெரம்பலூர் தந்தை ரோவர் மேல்நிலைப்பள்ளி, புனித தொமினிக் பெண்கள் மேல்நிலைப்பள்ளி, குன்னம் அரசு மேல்நிலைப்பள்ளி, பாடாலூர் அரசு மேல்நிலைப்பள்ளி, வேப்பந்தட்டை அரசு மேல்நிலைப்பள்ளி ஆகிய 6 மையங்களில் தேசிய திறனாய்வு தேர்வு இன்று (ஞாயிற்றுக்கிழமை) நடைபெற உள்ளது. தேசிய திறனாய்வு தேர்வுக்கான ஏற்பாடுகளை பெரம்பலூர் மாவட்ட முதன்மை கல்வி அதிகாரி முனிசாமி உள்பட கல்வி அதிகாரிகள் பலர் செய்து வருகின்றனர்.

 

Wednesday, November 4, 2015

பதிவு செய்த பத்திரத்தை வழங்க ரூ.4,500 லஞ்சம் அரியலூர் சார்பதிவாளர் கைது

பதிவு செய்த பத்திரத்தை வழங்க ரூ.4,500 லஞ்சம் அரியலூர் சார்பதிவாளர் கைது

அரியலூரை அடுத்த நாயக்கர்பாளையம் பகுதியை சேர்ந்தவர் நீலமேகம் (வயது 45). இவர் எல்.ஐ.சி. முகவராக வேலை செய்து வருகிறார். இவர், தனது மாமனார் பெயரிலுள்ள சொத்தினை மனைவி பெயரில் மாற்றி அரியலூர் போலீஸ் சூப்பிரண்டு அலுவலகத்தின் பின்புறமுள்ள எண்-1 சார்பதிவாளர் அலுவலகத்தில் பதிவு செய்து இருந்தார். இந்த நிலையில் பதிவு செய்யப்பட்ட அந்த பத்திரத்தை தன்னிடம் வழங்குவதற்காக அங்கு சார்பதிவாளராக பணியாற்றி வரும் பெரம்பலூர் மாவட்டம் வேப்பந்தட்டை பகுதியை சேர்ந்த சுபேதார்கானை(55) சந்தித்து நீலமேகம் கேட்டார். பதிவு செய்யப்பட்ட பத்திரத்தை திரும்ப வழங்க ரூ.4,500 லஞ்சம் தர வேண்டும் என சார்பதிவாளர் சுபேதார்கான் கேட்டுள்ளார். 

லஞ்சம் கொடுக்க விரும்பாத நீலமேகம் இது குறித்து அரியலூர் மாவட்ட லஞ்ச ஒழிப்புத்துறை போலீசில் புகார் அளித்தார். சார்பதிவாளர் சுபேதார்கானை பொறி வைத்து பிடிக்க போலீசார் முடிவு செய்தனர்.
 

அதன்படி லஞ்சஒழிப்புத்துறை அதிகாரிகள் அறிவுறுத்தலின் பேரில் ரசாயன பவுடர் தடவிய ரூ.4,500-ஐ அரியலூர் எண் -1 சார்பதிவாளர் அலுவலகத்தில் இருந்த சுபேதார்கானிடம் நீலமேகம் நேற்று கொடுத்தார்.
 

அப்போது அங்கு மறைந்து இருந்த லஞ்ச ஒழிப்புத்துறை போலீசார் மின்னல் வேகத்தில் பாய்ந்து சென்று கையும் களவுமாக சுபேதார்கானை பிடித்து கைது செய்து, அவர் வாங்கிய 4,500 ரூபாயை பறிமுதல் செய்தனர்

Tuesday, November 3, 2015

சுண்ணாம்புக்கற்கள் ஏற்றி செல்வதால் சாலைகள் சேதம்: 70 லாரிகளை சிறைபிடித்து பொதுமக்கள் போராட்டம்

சுண்ணாம்புக்கற்கள் ஏற்றி செல்வதால் சாலைகள் சேதம்: 70 லாரிகளை சிறைபிடித்து பொதுமக்கள் போராட்டம்

சுண்ணாம்புக்கற்கள் ஏற்றி செல்வதால் சாலைகள் சேதம் அடைந்ததை கண்டித்து 70 லாரிகளை சிறைபிடித்து பொது மக்கள் போராட்டம் நடத்தினர்.

சுண்ணாம்பு கல்குவாரிகள்

அரியலூர் மாவட்டம் திருமானூர் அருகே கீழப்பழுவூர் போலீஸ் சரகம் இடையத்தான்குடி பகுதியில் பனங்கூர், ஏழேரி, இடையத்தான்குடி பகுதியில் பல சுண்ணாம்பு கல் குவாரிகள் இயங்கி வருகின்றன. இந்த குவாரிகளில் சுண்ணாம்புக்கலை ஏற்றும் லாரிகள் ஜெயங்கொண்டம் பொய்யூர் சாலையில் உள்ள இடையத்தான்குடி வழியாக தான் தனியார் சிமெண்டு ஆலைகளுக்கு சென்று வருகின்றன.

லாரிகள் அதிகமாக செல்வதால் இந்த சாலைகள் மிகவும் மோசமாக குண்டும் குழியுமாக காட்சி அளிக்கிறது. மேலும் லாரிகளில் இருந்து சுண்ணாம்பு கற்கள் கொட்டுவதால் மழைக்காலமான தற்போது சாலை சேறும் சகதியாக காணப்படுகிறது. இதனால் அந்த சாலை போக்குவரத்துக்கு தகுதியற்ற சாலையாக மாறிவிட்டது. கனரக லாரிகள் மட்டுமே இவ்வழியாக செல்கின்றன. மற்ற வாகனங்கள் செல்ல முடியாத நிலைமை ஏற்பட்டுள்ளது.

லாரிகள் சிறைபிடிப்பு

அதிகமாக சுண்ணாம்பு கல் ஏற்றும் கனரக வாகனங்கள் செல்வதனால் தான், இந்த சாலை மிகவும் மோசமாகி விட்டது எனவும், இந்த சாலைகளை சரி செய்ய வேண்டும் என வலியுறுத்தியும், ஆரனூர் கிராம பொதுமக்கள் வைப்பம்-ஆரனூர் பிரிவு சாலையில் நேற்று மறியலில் ஈடுபட்டு அவ்வழியே சுண்ணாம்பு கற்கள் ஏற்றி வந்த 70 லாரிகளை சிறைபிடித்து போராட்டத்தில் ஈடுபட்டனர். தகவல் அறிந்த கீழப்பழுவூர் போலீஸ் இன்ஸ்பெக்டர் செல்வம், கிராம நிர்வாக அலுவலர் ஜெய்சங்கர் ஆகியோர் சம்பவ இடத்திற்கு விரைந்து சென்று போராட்டத்தில் ஈடுபட்ட பொது மக்களிடம் பேச்சு வார்த்தை நடத்தினர். மேலும் அரியலூர் தாசில்தார் திருமாறன் போராட்டக்காரர்களிடம் தொலைபேசியில் தொடர்பு கொண்டு மோசமான சாலை விரைவில் சரிசெய்யப்படும் என உறுதி கூறினார்.

இதனையடுத்து அவர்கள் போராட்டத்தை கைவிட்டு கலைந்து சென்றனர். இந்த போராட்டத்தில் ஊராட்சி மன்ற தலைவர் ரகுபதி உள்ளிட்ட ஏராளமானோர் கலந்து கொண்டனர்.
 

Thanks to Thina Thanthi.

சாலைகளை சேதப்படுத்தியதாக 70 லாரிகள் சிறைபிடித்த பொதுமக்கள்

சாலைகளை சேதப்படுத்தியதாக 70 லாரிகள் சிறைபிடித்த பொதுமக்கள்

அரியலூர் அருகே சிமெண்ட் ஆலைக்கு சுண்ணாம்புக்கல் ஏற்றிச் சென்ற 70 லாரிகளை பொதுமக்கள் சிறைபிடித்தனர்
அரியலூர் மாவட்டம் வைப்பம், ஆரனூர், இடையாத்தான்குடி உள்ளிட்ட கிராமங்களைச் சுற்றி 4 தனியார் சிமெண்ட் ஆலைகள் செயல்பட்டு வருகின்றன. இங்கிருந்து 500க்கும் மேற்பட்ட லாரிகளில் சுண்ணாம்புக்கல் எடுத்துச் செல்லப்படுகிறது.
இப்பகுதிகளில் செல்லும் லாரிகளால் சாலைகள் மிகவும் சேதமடைந்து குண்டும் குழியுமாக காணப்படுவதாக அப்பகுதி மக்கள் புகார் தெரிவிக்கின்றனர்.
மேலும் வேகமாக செல்லும் லாரிகளால் அடிக்கடி விபத்து ஏற்படுவதாக கூறி அப்பகுதி மக்கள் 70 டிப்பர் லாரிகளை சிறைபிடித்து போராட்டத்தில் ஈடுபட்டனர்.

Thanks to News 7


Monday, October 26, 2015

கோழிப் பண்ணைகள் அமைக்க விவசாயிகளுக்கு அழைப்பு



அரியலூர் மாவட்டத்தில் கறிக்கோழிப் பண்ணைகள் அமைக்க விருப்பமுள்ளவர்கள் விண்ணப்பிக்கலாம் என்றார் ஆட்சியர் ஏ. சரவணவேல் ராஜ்.
இதுகுறித்து அவர் வெளியிட்ட செய்திக் குறிப்பு: அரியலூர் மாவட்டத்தில் 5,000 கறிக்கோழி பண்ணைகள் 50% அரசு மானியத்தில் அமைக்க திட்டமிடப்பட்டுள்ளது. இத்திட்டத்தின் கீழ் விவசாயிகள், தனிநபர் தொழில் முனைவோர், சுய உதவிக்குழுக்கள் ஆகியோர் பயன்பெறலாம். கடந்த 2012-13 ஆம் ஆண்டு 50 நபர்களுக்கு கோழி வளர்க்க ரூ. 1.03 கோடி மதிப்பிலும், 2013- 14 ஆம் ஆண்டு 25 நபர்களுக்கு ரூ. 51 லட்சம் மதிப்பிலும், 2014-15 ஆம் ஆண்டு 50 பேருக்கு ரூ. 80 லட்சம் மதிப்பிலும் கடனுதவி வழங்கப்பட்டுள்ளது. இந்த கோழி வளர்ப்பை மேம்படுத்திட 50% மானியத்தில் கோழிகளுக்கான தீவனம் மற்றும் மருந்துகள் வழங்கப்படுகின்றன.
குறைந்த பட்சம் 5,000 கோழிக் குஞ்சுகளுக்கு, கோழிக்கு ஒரு சதுர அடி வீதம் 5,000 சதுர அடி பண்ணை கொட்டகை அமைக்க சதுர அடிக்கு ரூ. 200 வீதம் உத்தேச செலவீனம் ரூ. 10 லட்சமும், உபகரணங்களுக்கு ரூ. 75 ஆயிரமும் என ரூ. 10.75 லட்சம் மதிப்பீட்டுத் தொகையில் 25%அரசு மானியம் வழங்கப்படுகிறது. மீதமுள்ள தொகை வங்கி கடனுதவியாக வழங்கப்படும்.
மேலும் விவரங்களுக்கு, அரியலூர் உதவி இயக்குநர்(94439 54958) உடையார் பாளையம் உதவி இயக்குநர்(94450 01207) ஆகியோரைத் தொடர்பு கொள்ளுமாறு தெரிவிக்கப்பட்டுள்ளது.

Friday, October 23, 2015

"மழை வெள்ள பாதிப்பு குறித்து பொதுமக்கள் தகவல் தெரிவிக்கலாம்'

"மழை வெள்ள பாதிப்பு குறித்து பொதுமக்கள் தகவல் தெரிவிக்கலாம்'

அரியலூர் மாவட்டத்தில் மழை வெள்ளதால் பாதிப்பு ஏற்பட்டால் பொதுமக்கள் தகவல் தெரிவிக்கலாம் என்றார் மாவட்ட ஆட்சியர் . சரவணவேல்ராஜ். இதுகுறித்து அவர் வெளியிட்ட செய்திக் குறிப்பு:

அரியலூர் மாவட்டத்தில் வடகிழக்குப் பருவமழை காரணமாக மழை வெள்ளத்தால் பாதிப்பு ஏற்படும்போது, உடனடியாக மீட்பு மற்றும் நிவாரணப் பணிகளை மேற்கொள்ள மாவட்ட நிர்வாகம் சார்பில் முன்னெச்சரிக்கை நடவடிக்கைகள் மேற்கொள்ளப்பட்டுள்ளது. அதன்படி, பொதுமக்கள் தொடர்பு கொள்ளவும், தகவல் தெரிவிக்கவும் மாவட்ட ஆட்சியர் அலுவலகத்தில் 24 மணிநேரமும் கட்டுப்பாட்டு அறை இயங்கி வருகிறது.

மேலும், அரியலூர் சார் ஆட்சியர் அலுவலகம், உடையார்பாளையம் கோட்டாட்சியர் அலுவலகம், அரியலூர், செந்துறை மற்றும் ஜயங்கொண்டம் வட்டாட்சியர் அலுவலகங்களில் தொடர்பு கொண்டு தகவல் தெரிவிக்கலாம்.

மாவட்ட ஆட்சியர் அலுவலகக் கட்டுப்பாட்டு அறை எண்- 1077, அலுவலக எண்- 04329-228151, சார் ஆட்சியர் அலுவலகம் 04329-245352, 9445000459, வருவாய் கோட்டாட்சியர் அலுவலகம், உடையார்பாளையம் 04331-245352, 9445000460, வட்டாட்சியர் அலுவலகம், அரியலூர் 04329-222062, 9445000613, வட்டாட்சியர் அலுவலகம், செந்துறை 04329-242320, 9445000615, வட்டாட்சியர் அலுவலகம், ஜயங்கொண்டம் 04331-250220, 9445000614 ஆகிய எண்களில் தொடர்பு கொண்டு தகவல் தெரிவிக்கலாம். மேலும், மழை வெள்ளம் காரணமாக எந்நேரமும் மீட்பு மற்றும் நிவாரணப் பணிகளை மேற்கொள்ள கிராம நிர்வாக அலுவலர்கள், வருவாய் ஆய்வாளர்கள் தங்களது கிராமங்களிலும், தலைமையிடத்திலும் இருந்து கவனிக்க அறிவுறுத்தப்பட்டுள்ளது. அரியலூர், ஜயங்கொண்டம், செந்துறை ஆகிய வட்டாட்சியர்களும், காவல் துறையினரும் தொடர் ரோந்துப் பணி மேற்கொள்வார்கள்.

தீயணைப்பு அலுவலர்கள் 24 மணி நேரமும் தயார் நிலையில் வைக்கப்பட்டுள்ளனர். அரியலூர் அரசு மருத்துவமனையிலும், ஆரம்ப சுகாதார நிலையங்களிலும் சுழற்சி முறையில் மருத்துவர்களும், அலுவலர்களும் பணிபுரிய அறிவுறுத்தப்பட்டுள்ளனர்.

Sunday, October 18, 2015

மகாத்மா காந்தி தேசிய ஊரக வேலை உறுதியளிப்புத் திட்டம் - ஆலந்துறையார் கட்டளை பஞ்சாயத் விபரம்

மகாத்மா காந்தி தேசிய ஊரக வேலை உறுதியளிப்புத் திட்டத்தின் கீழ் 2015-2016 க்கு நமது பஞ்சாயத்தில் அனுமதி வழங்கப்பட்டு பணிகள் நடந்துகொண்டு இருக்கும் திட்டங்கள் பற்றிய விபரங்கள்.
S.
No
Work code
 Work Name
 Work Status
 Estimated Labour cost(In Lakhs)
1
2931003001/LD/29692
Formation of Pannaikuttai Alanduraiyarkattalai Ramu Murugaiyan
 On Going
                                      0.96
2
2931003001/OP/60117
construction of Green House in Sellakkannu / Paramasivam Alanthuraiyarkattalai Pt
 On Going
                                      0.16
3
2931003001/OP/60119
construction of Green House in Selvi / Natarajan Alanthuraiyarkattalai Pt
 On Going
                                      0.16
4
2931003001/OP/60121
construction of Green House in Kolanjiyammal / Ganesan Alanthuraiyarkattalai Pt
 On Going
                                      0.16
5
2931003001/OP/60123
construction of Green House in Ramachandiran / Subramaniyan Alanthuraiyarkattalai Pt
 On Going
                                      0.16
6
2931003001/OP/60126
construction of Green House in Muruganantham / Thirumal Alanthuraiyarkattalai Pt
 On Going
                                      0.16
7
2931003001/OP/60128
construction of Green House in Sambantham / Maruthamuthu Alanthuraiyarkattalai Pt
 On Going
                                      0.16
8
2931003001/WH/2904153002
Deepening of Alanduraiyarkattalai Melakangiyanur Karuban Kulam
 On Going
                                     11.00
9
2931003001/WH/2904164656
Deepening of Alanduraiyarkattalai Keelakangiyanur Nallthanneer kulam
 On Going
                                     15.00
10
2931003001/WH/2904164658
Deepening of Alanduraiyarkattalai Valaikuzhi Nallthaneer kulam
 On Going
                                     10.00
11
2931003001/WH/2904165693
Deepening of Alanduraiyarkattalai Panakur Eri
 On Going
                                     20.00
12
2931003001/WH/2904168716
Deepening of Alanduraiyarkattalai siruthodankanni Kulam
 On Going
                                     10.00
13
2931003012/WH/2904147801
Deepening of Alanduraiyarkattalai Panakur Eri
 On Going
                                     20.00

Link:


தமிழக அரசின் சாதனை விளக்க புகைப்பட கண்காட்சி

தமிழக அரசின் சாதனை விளக்க புகைப்பட கண்காட்சி

 

அரியலூர் மாவட்டம் திருமானூர் பஸ் நிலையத்தில் செய்தி மக்கள் தொடர்பு அலுவலகம் சார்பில் புகைப்படக் கண்காட்சி நடந்தது. இந்த கண்காட்சியில் தமிழக அரசின் திட்டங்கள், சாதனைகள் பற்றிய பல்வேறு புகைப்படங்கள் இடம் பெற்றிருந்தன. இந்த புகைப்பட கண்காட்சியை அப்பகுதியை சேர்ந்த பொதுமக்கள் ஆர்வத்துடன் பார்வையிட்டனர். இந்த கண்காட்சிக்கான ஏற்பாடுகளை செய்தி மக்கள் தொடர்பு அலுவலர் செந்தில் செய்திருந்தார்.

Twitter Delicious Facebook Digg Stumbleupon Favorites More